शुक्रबार, १० मंसिर २०७८
शुक्रबार, १० मंसिर २०७८

IT Training Nepal

अब सबै क्रान्तिकारीहरु एकजुट हुनुपर्छ : प्रचण्ड

४ आश्विन, २०७८ १५:२८ मा प्रकाशित

300 पटक पढिएको

pushpa kamal dahal prachanda

काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अब सबै क्रान्तिकारीहरु एकजुट हुनुपर्ने बताएका छन्। सोमबार एक कार्यक्रममा बोल्दै उनले देशभरी विस्तारै उभार आउने संकेत देखिएको दाबी गरेका छन्। उनले प्रतिगमन कसले परास्त गर्‍यो भन्दा आफूहरुलाई नै जनताले श्रेय दिएको स्पष्ट पारे।

पूर्व माओवादी एवम् क्रान्तिकारी घटक छिट्टै समीक्षा गरेर एकजुट हुन आवश्यक रहेको उनको भनाई छ। उनले विप्लव, वैध, उपेन्द्र-बाबुराम, मोहनविक्रमहरु एकै ठाउँमा बसेर ऐतिहासिक समिक्षा गर्ने समय आएको धारणा राखे।

उनले कार्यकर्तामा नभई नेताहरुमा समस्या भएकाले अहिलेको अवस्था आएको धारणा राखे। उनले भने, ‘अहिले जनता, कार्यकर्ता बिग्रिएको होइन, नेताले गर्दा बिग्रिएको हो। अरुलाई दोष नलगाई मैले गर्दा बिग्रिएको भनेर अगाडि बढ्दा सफल भइन्छ।’

शीर्ष नेता जनतामाझ जाँदा माओवादी एक नम्बरको पार्टी बनाउन कुनै गाह्रो नभएको बताए। उनले भने, ‘हामीले नेतृत्व नगरेसम्म विकास हुन सक्दैन।’

प्रचण्डबिना गठबन्धन केपीलाई बालुवाटारबाट गलहत्याउन सकिएको टिप्पणी गरे। उनले राष्ट्रियता, समावेशी, गणतन्त्रवादी र विचार मिल्नेसँग मोर्चाबन्दी गर्नुपर्ने आवश्यकता रहेको धारणा राखे। केपी ओली बालुवाटारबाट बालकोट जाँदा पञ्चेबाजा, र्‍याली गरेर ठूलो जीत हासिल गरेझैं नाटक गरेको धारणा राखे।

उनले माओवादी केन्द्रपनि विस्‍तारै एमालेकरण हुन थालेको गुनासो गरे। ‘हाम्रो पार्टी पनि विस्तारै विस्तारै एमालेकरण हुन थाल्यो। एमालेजस्तो जस्तो हुन थाल्यो। छलछाम, झुट, गुट,धोका बेइमानी भनेकै एमाले हो।’ उनले यस्तै स्थिति हुनुभन्दा पार्टी नहुनु नै उचित हुने धारणा राखे।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome