बुधबार, २२ मंसिर २०७८
बुधबार, २२ मंसिर २०७८

IT Training Nepal

चीनमा ११६ वर्षयताकै उच्च हिमपात

२५ कार्तिक, २०७८ १५:०९ मा प्रकाशित

604 पटक पढिएको

heavy snow

काठमाडौं – चीनमा ११६ वर्षयताकै उच्च हिमपात भएको छ। उत्तरपूर्वी चीनको लियाओनिङ प्रान्तमा ११६ वर्षको रेकर्ड तोड्ने गरी सन् १९०५ पछि पहिलोपटक सो क्षेत्रमा उच्च हिमपात भएको स्थानीय मिडिया सिह्न्वाले बताएको छ। गत आइतबारदेखि हिमपात सुरु भएको थियो। सो क्षेत्रमा औसतभन्दा २० इन्च बढी हिउँ जमेको बताइएको छ।

भारी हिमपातपछि रेल, हवाई र अन्य सवारी साधन बन्द भएको स्थानीय सञ्चारमाध्यमले जनाएका छन्। छिमेकी मंगोलियामा भारी हिमपातपछिको हिम आँधीका कारण १ जनाको मृत्यु भएको छ भने ५ हजार ६ सयभन्दा बढी मानिस विस्थापित भएका छन्।

यसवर्ष हिउँद सुरु हुनुअगावै एक्कासी भारी हिमपात भएको त्यहाँका मौसमविद्ले बताएका छन्। भारी हिमपातपछि चिसो हावा चल्ने भन्दै मंगोलिया र उत्तरपुर्वी चीनका करिब २७ क्षेत्रलाई रातो सुचीमा राखिएको छ। हिमपातका कारण जनजीवन कष्टकर बनेको भन्दै स्थानीय सरकारले सबैलाई न्यानो भएर बस्न र खाद्यान्न सञ्चित गर्न सुचना जारी गरेको छ।

यसअघि गएको सेप्टेम्बरमा उत्तरपुर्वी चीनमा विद्युत आपुर्ती अभाव हुँदा त्यहाँका मानिसको जनजीवन कष्टकर बनेको थियो।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome