शुक्रबार, १ आश्विन २०७८
शुक्रबार, १ आश्विन २०७८

IT Training Nepal

कोरोना संक्रमित बढ्दै गएपछि कालिमाटी-कलंकी क्षेत्रमा अत्यावश्यक बाहेकका पसल नखोल्ने निर्णय

२९ श्रावण, २०७७ १९:०८ मा प्रकाशित

588 पटक पढिएको

market shut down in kalanki kalimati area

काठमाडौं – विश्वव्यापी महामारीको रुपमा फैलिएको कोरोना भाइरस (कोभिड–१९)को संक्रमण बढ्दै गएपछि काठमाडौं महानगरपालिका–१४ का केही क्षेत्रका पसल बन्द गरिएको छ।

काठमाडौं महानगरपालिकाले कोरोना संक्रमण समुदायमा देखिन थालेपछि १४ नम्बर वडाका कलंकी, कालिमाटी, कुलेश्वरलगायत क्षेत्रका अत्यावश्यकबाहेक पसल बन्द गरेको हो। बुधबार वडाध्यक्ष शोभा सापकोटाले विज्ञप्ति सार्वजनिक गर्दै अत्यावश्यक बाहेकका पसल नखोल्ने निर्णय भएको जानकारी गराएकी हुन्।

उक्त वडामा विद्युतीय सामग्री पसल सञ्चालन गर्दै आएका एक व्यापारीमा संक्रमण पुष्टि भएको थियो। त्यसपछि कन्ट्याक्ट ट्रेसिङका आधारमा भएको परीक्षणमा अन्यमासमेत कोरोना संक्रमण देखिएपछि यस्तो निर्णय गर्नु परेको वडाले सार्वजनिक गरेको विज्ञप्तिमा उल्लेख छ।

बिहीबारदेखि १५ दिनसम्म वडा नम्बर १४ का कलंकी, कालिमाटी, खड्कागाउँ, कुलेश्वर, बल्खु खोलासम्मका पसल तथा गतिविधि बन्द हुने अध्यक्ष सापकोटाले जानकारी दिइन्।

अब कालिमाटीका फलफूल तथा तरकारी व्यवसायीले बिहान ५ बजेदेखि ९ बजेसम्म मात्र पसल खोल्न पाउनेछन्। अन्य अत्यावश्यक पसल भने स्वास्थ्य मापदण्ड पालना गरेर खोल्न पाइने छ।

ठेला र फुटपाथ व्यवसाय पूर्ण रुपमा बन्द गर्नसमेत वडाले विज्ञप्तिमार्फत् अनुरोध गरेको छ ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome