सोमबार, १९ जेठ २०७७

hostgator optimized wordpress hosting

फेसवास गर्दा कहिल्यै नगर्नुस् यी ६ गल्ती

१ कार्तिक २०७६, शुक्रबार ०९:३५ मा प्रकाशित

832 Views पटक पढिएको

face washing tips

काठमाडौँ, ०१ कार्तिक : राति सुत्नुअघि अनुहार धुनु तपाईंको छालाको सुरक्षाको सबैभन्दा महत्वपूर्ण कार्य हो । कुनै राम्रो फेसवासले अनुहार नधोइ सुत्ने गल्ती बिर्सेर पनि गर्नु हुँदैन ।

त्यस्तो गल्ती गर्नु भनेको तपाईंले आफ्नो अनुहारमा एक्ने (डण्डिफोर) अथवा गम्भिर प्रकारको इन्फेक्सनलाई निमन्त्रणा दिनु बराबर हो ।

फेसवासले तपाईंको अनुहारमा जमेको दिनभरीको धूलो तथा माटोलाई सफा गर्छ र तपाईंलाई फ्रेस तथा सफा छाला दिन्छ । त्यसैले हरेक युवतीले छालाको सुरक्षाका लागि फेसवास एउटा महत्वपूर्ण अंग हुनै पर्छ ।

त्यसो त, धेरै पटक फेसवास प्रयोग गरेपछि पनि तपाईंले आफ्नो छाला स्वच्छ, सफा तथा फ्रेस नभएको अनुभव गर्नु हुनेछ । त्यसको कारण तपाईंले फेसवासको क्रममा गर्ने केही गल्तीहरु हुन् । उक्त गल्तीहरुका बारेमा तपाईंले पनि थाहा पाउनु पर्छ । आज हामी त्यस्ता केही गल्तीहरुका बारेमा जानकारी दिँदैछौं, जुन तपाईंले अनुहार धुने क्रममा गरिरहनु भएको हुन्छ ।

फेसवास प्रयोग गर्दा गर्न नहुने ६ गल्ती

१. अनुहार धुने बेला पानीको तापक्रमले ठूलो अर्थ राख्छ । कहिले पनि आफ्नो अनुहार धुने बेला धेरै चिसो अथवा धेरै तातो पानीको प्रयोग गर्नु हुँदैन । धेरै तातो अथवा चिसो पानीले छालालाई हानी पुुर्‍याउन सक्छ । साथै फेसवासले पनि सही तरिकाले काम गर्दैन । त्यसैले सधैं हल्का मनतातो पानी नै प्रयोग गर्नु पर्छ ।

२. सही नतिजा पाउनका लागि सही सामान नै किन्नु पर्दछ । अर्थात् सधैं आफ्नो छालाको आवश्यकताको हिसाबले नै फेसवास किन्नु पर्छ । ओयली छालाका लागि सेलिसिलिक एसिड, सुख्खा छालाका लागि मिल्क बेस्ड तथा सेन्सेटिभ छालाका लागि मेडिकेटेड फेसवास किन्नु पर्छ ।

३. कुनै पनि प्रोडक्टले त्यसको प्रभाव देखाउनका लागि पर्याप्त समय लगाउँछ । त्यसैले परिणाम थाहा पाउन हतार गर्नु हुँदैन । यदि तपाईंले तुरुन्तै फेसवास पखाल्नु भयो भने त्यसले राम्ररी काम गर्दैन । त्यसैले फेसवास लगाएर अनुहारलाई दुई मिनेटसम्म हातले राम्ररी सफा गर्नु पर्छ र त्यसपछि मात्र पखाल्नु पर्छ ।

४. कहिले पनि मेकअप नहटाइ फेसवास प्रयोग गर्नु हुँदैन । अफिस तथा पार्टीबाट घर फर्किएपछि सबैभन्दा पहिला आफ्नो अनुहारबाट मेकअप हटाउनु पर्छ र अनुहारलाई सफा पानीले पखाल्नु पर्छ । फेसवास लगाउनु भन्दा पहिला तपाईंले अनुहारका लागि मिनरल वाटर पनि प्रयोग गर्न सक्नु हुनेछ । यदि मेकअपमै फेसवासको प्रयोग गर्नु भयो भने उक्त मेकअप फेसवाससँग मिसिएर तपाईंको छालाको बाहिरी तहलाई टालिदिन्छ, जुन डण्डिफोर आउने कारण बन्न पुग्छ ।

५. फेसवास प्रयोग गर्नुभन्दा पहिला आफ्नो हात राम्ररी धुनु पर्छ । त्यस्तो गर्नु भएन भने तपाईंको हातमा भएका ब्याक्टेरियाहरु अनुहारको छालाभित्र प्रवेश गर्ने डर हुन्छ । लगत्तै, फेसवाससँग मिसिएर ती ब्याक्टेरियाले इन्फेक्सन तथा रेसेज गराउने खतरा हुन्छ ।

६. बिहान र राति सुत्नुभन्दा पहिला हरेक दिन दुईपटक फेसवासले अनुहार धुनु पर्छ । केवल एकपटक अनुहार धुनाले छालाको फोहोर सफा हुने सम्भावना कम हुन्छ । जब तपाईं अफिसबाट घर आउनु हुन्छ, पुनः एकपटक अनुहारमा फेसवास प्रयोग गर्नु पर्छ ।

शेयर गर्नुहोस् ।
Share on Facebook
Facebook
Pin on Pinterest
Pinterest
Tweet about this on Twitter
Twitter
Share on LinkedIn
Linkedin

प्रतिकृया दिनुहोस्

hostgator optimized wordpress hosting

webtrickshome web design and development tutorials

hostgator 60% off on optimized wordpress hosting