सोमबार, १९ जेठ २०७७

hostgator optimized wordpress hosting

हतियार र लागु औषधसहित पक्राउ परेकालाई रिहा गर्न समाजवादी पार्टीको माग

९ जेष्ठ २०७७, शुक्रबार ०७:४९ मा प्रकाशित

864 Views पटक पढिएको

criminal demanded to be released

जविराज, ०९ जेठ : हतियार र लागु औषधसहित पक्राउ परेका आरोपित सप्तरीको हनुमाननगर कंकालिनी नगरपालिका-१४ का कृष भनिने ३६ वर्षीय कृष्णकुमार यादवलाई रिहा गर्न समाजवादी पार्टी सप्तरीले माग गरेको छ।

समाजवादी पार्टी सप्तरीका अध्यक्ष केदारप्रसाद यादवले बिहीबार विज्ञप्ति जारी गरी समाजवादी पार्टीका हनुमाननगर कंकालिनी नगरपालिका कार्यसमितिका पूर्वकोषाध्यक्ष कृषको रिहाइको माग गरेका हुन्।

कृषलाई एक थान कटुवा पेस्तोल, तीन थान गोली र लागुऔषधसहित पक्राउ गरी सुनसरी प्रहरीले बुधबार हातहतियार खरखजाना ऐन तथा लागू औषध नियन्त्रण ऐन २०३३ बमोजिम कारवाही सुरु गरेको छ।

सुनसरी प्रहरीका अनुसार कृष सवार बीआर ५० पी १२४१ नम्बरको भारतीय नम्बर प्लेटको गाडीबाट एक थान कटुवा पेस्तोल, तीन राउण्ड गोली, २५ बोतल डाइलेक्स डिसी, ५७६ क्याप्सुल स्पास्मो प्रोक्सिभोन प्लस, १६० ट्याब्लेट नाइट्रोसन, ७५ ट्याब्लेट नाइट्राभेट बरामद गरिएको छ।

बुवा बद्रीनारायण यादवको हत्यापछि परिवारको संरक्षणका लागि नेकपा माओवादी र भुमिगत सशस्त्र समूहमा हिंडेका उनीमाथि ६ जनाको हत्यालगायत विभिन्न अपराधमा संलग्न रहेको आरोप रहेको र अनुसन्धान भइरहेको सुनसरीका प्रहरी प्रवक्ता डिएसपी विनोद शर्माले जानकारी दिएका छन्।

स्थानीय तहको निर्वाचनको संघारमा ०७४ जेठ १७ गते सप्तरीको हनुमाननगरमा आयोजित एक समारोहमा संघीय समाजवादी फोरम नेपालका अध्यक्ष उपेन्द्र यादवबाट अबिर ग्रहण गरी कृष फोरम प्रवेश गरेका थिए। उनकी आमा सियावती यादवलाई फोरमले हनुमाननगर कंकालिनी नगरपालिकाको उपप्रमुखको उम्मेदवार बनाएको थियो।

संरक्षणका लागि सत्तासिन पार्टीसँग नजिकिने कृषमन्त्री पदबाट उपेन्द्र हटेपछि पछिल्लो समय नेकपा प्रवेशको तयारीमा थिए। प्रहरीले सुनसरीको भोक्राहा नरसिंह गाउँपालिका ४ स्थित पूर्व-पश्चिम लोकमार्गमा चेकजाँच गरी अवैध हतियार र लागु औषधसहित कृषलाई पक्राउ गरेको र कारवाही सुरु गरिएको जनाएको छ।

यता समाजवादी पार्टी सप्तरीका अध्यक्ष यादवले सुनसरीको भण्टाबारीस्थित लक्ष्मी किराना पसलको अगाडी गाडी रोकी ट्रयाक्टर मालिकसँग कुरा गरिरहेका बेला सुनसरीका डिएसपी विनोद शर्माको नेतृत्वको टोलीले प्रहरीको गाडीमा राखी इनर्वा लगेको दावी गरेका छन्। प्रहरीले कपोलकल्पित र षडयन्त्रपूर्वक यादवलाई फसाउँन खोजेको भन्दै अध्यक्ष यादवले सत्यतथ्य छानबिन गरी दोषीमाथि कारवाही गर्न र कृषलाई रिहा गर्न माग गरेका हुन्।

सुनसरीको कोशी गाउँपालिका ८ का वडाध्यक्ष विन्देश्वरप्रसाद यादवले कोशी गाउँपालिका ८ स्थित भण्टाबारी बजारमा राहत वितरणका सम्बन्धमा छलफल भइरहेको स्थानबाट कृषलाई प्रहरीले नियन्त्रणमा लिएको र तत्काल गाडी खानतलाशी गर्दा केही नभेटिएको जनाएको छ।

१ नम्बर प्रदेश प्रहरी कार्यालयका सूचना अधिकारी डिएसपी सुमनकुमार तिम्सिनाले थप जनशक्ति भोक्राहामा आएपछि मात्र चेकजाँच गरिएको बताए। सुनसरीका डीएसपी शर्माले पनि तत्कालीन माओवादीका नेता मातृका यादवको एके ४७ र एसएमजीसहित भागेका कृषसँग सोही हतियार रहेको आंशका गरिएकाले भिड भएको भन्टाबारीमा खानतलासी नगरिएको बताएका छन्। प्रहरीको अनुपातमा भण्टाबारीमा भिंड बढी भएको र २० मिनेटदेखि सो ठाउँमा कृष बसेकाले त्यहाँ कुनै दुर्घटना हुन नपाओस भनेर बाटोमा थप प्रहरी मगाएर चेकजाँच गरिएको शर्माले बताए।

भारतीय ठेकेदारका लागि कोशी बाँधको स्पर मर्मत सम्भारको काम गरिरहेका कृष लकडाउनका बेला भू-अर्जन कार्यालय बिराटनगरको पास लिई भारतीय गाडीमा सप्तरी, सुनसरी, मोरङ्ग आवतजावत गर्ने गरेका छन्।

शेयर गर्नुहोस् ।
Share on Facebook
Facebook
Pin on Pinterest
Pinterest
Tweet about this on Twitter
Twitter
Share on LinkedIn
Linkedin

प्रतिकृया दिनुहोस्

hostgator optimized wordpress hosting

webtrickshome web design and development tutorials

hostgator 60% off on optimized wordpress hosting