मंगलवार, ११ कार्तिक २०७७
मंगलवार, ११ कार्तिक २०७७

IT Training Nepal

उपत्यकामा १,७४६ सहित देशभर थप ३,१६७ जनामा कोरोना पुष्टि, हालसम्म ७२७ जनाको मृत्यु

१ कार्तिक, २०७७ १६:५१ मा प्रकाशित

445 पटक पढिएको

corona positive

काठमाडौं – पछिल्लो २४ घण्टामा काठमाडौं उपत्यकामा १ हजार ७ सय ४६ सहित देशभर थप तीन हजार एक सय ६७ जनामा कोरोना भाइरस (कोभिड-१९) संक्रमण पुष्टि भएको छ। स्वास्थ्य मन्त्रालयका प्रवक्ता डा. जागेश्वर गौतमका अनुसार काठमाडौंमा १४ सय ५१, भक्तपुरमा १४३ र ललितपुरका १५२ जनामा कोरोना भाइरस (कोभिड-१९) संक्रमण पुष्टि भएको हो । योसँगै नेपालमा संक्रमितको संख्या एक लाख २९ हजार ३०४ पुगेको छ।

गौतमका अनुसार नेपालमा सक्रिय संक्रमितको संख्या ३८ हजार ७३७ पुगेको छ। अहिले संस्थागत आइसोलेशनमा १३ हजार २९९ जना रहेका छन् भने होम आइसोलेशनमा २५ हजार ४३८ जना छन्। यस्तै क्वारेन्टाइनमा चार हजार ७१५ जना छन्।

शनिबार १८०० जना डिस्चार्ज भएका छन्। योसँगै नेपालमा कोरोना जित्नेको संख्या ८९ हजार ८४० पुगेको छ। यो कुल संक्रमितको ६९ दशमलव चार प्रतिशत हो।

मन्त्रालयका अनुसार पछिल्लो २४ घण्टामा १२ जनाको मृत्यु भएको छ। योसँगै नेपालमा कोरोनाले मृत्यु हुनेको संख्या ७२७ पुगेको छ।

मन्त्रालयका अनुसार पाँच सय बढी संक्रमित हुने जिल्लामा मोरङ, सुनसरी, मकवानपुर सुर्खेत, ललितपुर, काठमाडौं, भक्तपुर, चितवन, दाङ, बाँके, कास्की, रुपन्देही हुन् । अहिलेसम्म ७७ जिल्लामध्ये मुस्ताङमा मात्र कोरोना संक्रमण देखिएको छैन ।

मन्त्रालयका अनुसार अहिले आईसीयू २९० र भेन्टिलेटर ६६ जनाको उपचार भइराखेको छ ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome