सोमबार, ११ आश्विन २०७८
सोमबार, ११ आश्विन २०७८

IT Training Nepal

कैलालीमा ओलीपक्षको र्‍यालीमा प्रचण्डपक्षको आक्रमणपछी झडप

२३ असार, २०७७ ०२:२८ मा प्रकाशित

508 पटक पढिएको

riot in kailali

टीकापुर, २२ असार : प्रधानमन्त्री एवं नेकपाका अध्यक्ष केपी शर्मा ओली र पुष्पकमल दाहाल प्रचण्ड पक्षधरबीच कैलालीको लम्कीमा झडप भएको छ। ओली पक्षधरले लम्कीचोकमा प्रधानमन्त्रीको बचाउमा निकालेको र्‍यालीमा झडप भएको हो।

कोणसभा चलिरहेका बेलामा प्रचण्ड पक्षधरले आक्रमणको प्रयास गरेका थिए। झडपपछि केहीबेर लम्की क्षेत्र तनावग्रस्त भएको थियो। सचेत नागरिक समाज लम्की, कैलाली नामक संस्थाको ब्यानरमा केपी शर्मा ओलीको फोटोसहित नेपालको नयाँ नक्सा राखेर दुई दर्जन बढी युवाले प्रर्दशन गरेका थिए।

देशको मुहार फेर्नु छ साथी, पार्टीभन्दा राष्ट्र माथि, राष्ट्रिय स्वाभिमान कायम गर, वैदेशिक हस्तक्षेप बन्द गर लगायतका नारा लेखेका प्ले कार्डसहित केपी शर्मा ओली पक्षधर युवाको सहभागिता थियो। सचेत नागरिक समाजको तर्फबाट ओली पक्ष निकट लम्कीचुहाका नेकपाका नेता नरबहादुर खड्काले केपी शर्मा ओलीको बचाउ गर्दै प्रचण्डले बकमफुसे कुरा गरेको आरोप लगाएपछि प्रचण्ड पक्षधरले माइक खोसेका थिए।

इलाका प्रहरी कार्यालय लम्कीका प्रहरी निरीक्षक ज्ञानेन्द्रबहादुर चन्दले कार्यक्रममा सामान्य भनाभन मात्रै भएको बताए। ‘झडप होइन, कार्यक्रममा भनाभन मात्रै भएको हो’, चन्दले भने, ‘कोही घाइते हुने, त्यस्तो केही भएको रिपोर्टिङ हामीलाई छैन।’ पछिल्लो समयमा नेकपाभित्र विवाद चुलिंदै गएपछि स्थानीय कार्यकर्ता तहमासमेत विवाद हुन थालेको छ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome