मंगलवार, १२ श्रावण २०७८
मंगलवार, १२ श्रावण २०७८

IT Training Nepal

मापदण्ड विपरीत उत्खननमा प्रयोग भएका ६ जेसीवी प्रहरी नियन्त्रणमा

२३ मंसिर, २०७७ १७:४० मा प्रकाशित

960 पटक पढिएको

jcb in custody

महेन्द्रनगर – कञ्चनपुरको बेदकोट नगरपालिका ३ र ४ मा पर्ने बगुन खोलाबाट मापदण्ड विपरीत नदीजन्य वस्तुको उत्खननमा प्रयोग भएका ६ वटा जेसीवी कञ्चनपुर प्रहरीले नियन्त्रणमा लिएको छ ।

सोमबार खोलाहरुमा मापदण्ड विपरीत उत्खनन भएको पाइएपछि जिल्ला प्रहरी कार्यालयले बगुन खोलाबाट जेसीवी नियन्त्रणमा लिएको हो । कञ्चनपुरका प्रमुख जिल्ला अधिकारी रामकुमार महतोले अवैध रुपमा खोलाको उत्खनन गर्नेलाई कानुन बमोजिम कारवाही गर्ने बताए ।

वातावरणीय प्रभाव मुल्यांकन प्रतिवेदनअनुसार पुलपुलेसा, कलभर्ट, नहर, वन, चुरे र तटबन्धको ५ सय मिटरभित्रबाट ढुंगा, बालुवा, ग्राभेल र माटो झिक्न नपाइने मापदण्ड निर्धारण गरिए पनि यहाँका नदी तथा खोलानालामा विधिअनुसार उत्खनन हुन सकेको छैन।

बेदकोट नगरपालिकाले नदीजन्य वस्तु उत्खननका लागि वातावरण प्रभाव मुल्यांकन गरेको भएपनि मापदण्ड विपरीत उत्खनन भइरहेको पाइएको छ । नगरपालिकाका प्रमुख प्रशासकीय अधिकृत पदमराज भट्टले नगरपालिकाले वातावरणीय प्रभाव मुल्यांकन गरेर ठेक्कामार्फत मापदण्डमै नदीजन्य सामाग्री उत्खनन गरिरहेको दाबी गरे ।

‘वातावरणीय प्रभाव मुल्यांकन अनुसार रेखाङ्कन गरेर नदीजन्य सामाग्री उत्खनन भइरहेको छ, ‘भट्टले भने, ‘नगरपालिकाले वडा अध्यक्षको संजोजकत्वमा अनुगमन समिति बनाएर अनुगमन समेत गरिरहेको छ ।’

नगरपालिकाले मापदण्ड अनुसार उत्खनन भनेपनि खोलाहरुमा मापदण्ड विपरीत उत्खनन भएको पाइएपछि जिल्ला प्रहरी कार्यालयले बगुन खोलाबाट जेसीवी नियन्त्रणमा लिएको हो । बेदकोट नगरपालिकाले नगरभित्रका खोलामा नदीजन्य सामग्री उत्खननका लागि अमृत कन्ट्रक्सनलाई ८५ लाखमा ठेक्का दिएको छ ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome