बिहीबार, १० असार २०७८
बिहीबार, १० असार २०७८

IT Training Nepal

कृषि कार्यक्रमलाई व्यवस्थित ढंगले अगाडि बढाउछौँ : मन्त्री अर्याल

६ माघ, २०७७ ०९:३३ मा प्रकाशित

543 पटक पढिएको

padma aryal

काठमाडौं – कृषि तथा पशुपंक्षी विकासमन्त्री पद्माकुमारी अर्यालले किसानहरुको वर्गीकरण गरेर कृषि कार्यक्रमलाई वितरण गरिने बताएकी छन्। अखिल नेपाल महिला संघ (अनेमसंघ) केन्द्रीय समितिका पदाधिकारी तथा जनप्रतिनिधि महिलाहरुसँग आयोजित कार्यक्रममा बोल्दै मन्त्री अर्यालले पहिलो चरणमा किसानहरुको वर्गीकरण गरी किसान परिचयपत्र वितरण गरिने धारणा राखिन्।

‘किसानहरुको वर्गीकरण गरी परिचयपत्र वितरणको काम सम्पन्न गर्छौँ। वर्गीकरणका आधारमा कृषि कार्यक्रमलाई व्यवस्थित ढंगले अगाडि बढाउछौँ।’ उनले भनिन्, ‘आगामी फागुनदेखि यो कार्यक्रम द्रुतरुपले अगाडि बढ्छ।’

किसानहरुलाई मलको अभाव हुन नदिन मन्त्रालयले काम अगाडि बढाइसकेको भन्दै उनले अब किसानहरुलाई मलको अभाव हुन नदिने बताइन्। देशभरका स्थानीय तहलाई आफ्नो स्थानीय तहमा वर्षभरी चाहिने मलको माग पठाउन माघ अन्तिमसम्मको समय दिइएको भन्दै उनले अबका दिनमा मल अभाव नहुने गरी मन्त्रालय अगाडी बढेको दाबी गरिन्।

‘माघको अन्तिमसम्ममा आफ्नो स्थानीय तहमा कति मल चाहिन्छ भनेर माग पठाउन सबै स्थानीय तहलाई आग्रह गरिएको छ’, मन्त्री अर्यालले भनिन्, ‘अब किसानहरुलाई मलको अभाव नहुनेगरी मन्त्रालय अगाडि बढेको छ। हामी किसानहरुलाई आवश्यक पर्ने मल समयमै आपुर्ती गर्छौँ। मन्त्रालयले कामको थालनी गरिसकेको छ।’

कतिपय कार्यक्रमले उचित प्रतिफल दिन सकेन

किसानहरुको हकहितका निम्ति स्थापना गरिएको किसान आयोगलाई शक्तिशाली बनाइने बताउँदै उनले किसानहरुको हकहितका निम्ति गठन भएको आयोग अहिलेको अवस्थाले मात्र उसको उद्देश्य पुरा गर्न नसक्ने बताइन्। कृषि मन्त्रालयमार्फत वितरण गरिँदै आएको अनुदानका कार्यक्रमहरु परिमार्जन गरिने बताउँदै उनले कतिपय अनुदानलाई बन्द नै गर्नुपर्ने अवस्था रहेको स्पष्ट पारिन्।

‘अनुदानका कार्यक्रमहरु जतिपनि सञ्चालन भएका छन्, तीमध्ये कतिपयलाई परिमार्जत गर्नुपर्नेछ। कतिपय कार्यक्रम बन्द नै गर्नुपर्ने अवस्था छ’, अर्यालले भनिन्, ‘अहिले जसरी अनुदान कार्यक्रमहरु सञ्चालन भएका छन्, त्यो कतिपय कार्यक्रमले उचित प्रतिफल दिन सकेनन्।’

कृषि क्षेत्रको सम्भावनालाई मध्यनजर गर्दै कृषिको व्यवसायिकरण, बजारीकरण र यान्त्रिकिकरण गरिने बताउदै उनले प्रविधिको प्रयोगबाट कृषिमा कसरी प्रगती गर्न सकिन्छ भनेर मन्त्रालय अगाडि बढेको बताइन्।

कार्यक्रममा बोल्दै उद्योग वाणिज्य तथा आपूर्ती राज्यमन्त्री बिमला विकले सरकार मुलुकलाई मन्त्रालयमार्फत महिलाका निम्ति सञ्चालन गरिने कार्यक्रमहरुमा सहजीकरण गरिने बताइन्।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome