सोमबार, ११ आश्विन २०७८
सोमबार, ११ आश्विन २०७८

IT Training Nepal

प्रधानमन्त्री ओलीविरुद्ध सर्वोच्चमा अवहेलना मुद्दा दर्ता

१३ माघ, २०७७ १६:५५ मा प्रकाशित

386 पटक पढिएको

supreme court of nepal

काठमाडौं – प्रधानमन्त्री केपी ओलीविरुद्ध मंगलबार सर्वोच्च अदालतमा अवहेलनासम्बन्धी मुद्दा दर्ता भएका छन् । अधिवक्ता कञ्चनकृष्ण न्यौपानले र वरिष्ठ अधिवक्ता कुमार शर्मा आचार्यले मंगलबार अवहेलनासम्बन्धी छुट्टाछुट्टै रिट दर्ता गरेका हुन् ।

वरिष्ठ अधिवक्ता कृष्णप्रसाद भण्डारीले संसद् विघटनविरुद्धको मुद्दामा बहस गर्न जाँदा प्रधानमन्त्री ओलीले गरेको टिप्पणीप्रति रिटमा आपत्ति जनाइएको छ ।

माघ ९ गते काठमाडौंको बबरमहलस्थिगत कार्की ब्याङ्केटको कार्यक्रमलाई सम्बोधन गर्दै प्रधानमन्त्री ओलीले बाजे वकिललाई सर्वोच्च लगेर ‘तमासा’ देखाएको टिप्पणी गरेका थिए । उक्त टिप्पणीप्रति आपत्ति जनाउँदै अधिवक्ताद्वयले मंगलबार रिट दायर गरेका हुन् ।

अधिवक्ता न्यौपानेले वरिष्ठ अधिवक्ता र अधिवक्तालाई अमर्यादित भाषामा गाली गरेकाले अपहेलना मुद्दा दर्ता गरेको जानकारी दिए । ‘प्रधानमन्त्रीले संसद विघटन मुद्दाको बहसमा सहभागी वरिष्ठ अधिवक्ताज्यू तथा अधिवक्तालाई अमर्यादित भाषामा गाली गरेकाले अपहेलना मुद्दा दर्ता भयो’, उनले भने ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome