बुधबार, २ असार २०७८
बुधबार, २ असार २०७८

IT Training Nepal

समानान्तर सत्ता चलाउन खोज्नेलाई परास्त गर्न संसद विघटन गर्नुपर्‍यो : ओली

३ फाल्गुन, २०७७ १८:२२ मा प्रकाशित

717 पटक पढिएको

prime minister kp oli

काठमाडौं – प्रधानमन्त्री केपी शर्मा ओलीले जनतासँग गरेको कबुल पूरा गर्न नदिएपछि ताजा जनादेशका लागि संसद विघटन गर्नुपरेको बताएका छन् ।

पुष्पकमल दाहाल प्रचण्ड र माधव नेपाल लगायत नेताहरुलाई लक्षित गर्दै ओलीले उनीहरुले काममा व्यवधान गरेका कारण निर्वाचनमा जानु परेको बताए । तर उक्त कदम आफ्नो बाध्यता भएको पनि बताए ।

सोमबार सिंहदरबारस्थित पुनर्निर्माण भएको प्रधानमन्त्री कार्यालयबाट सम्बोधन गर्दै यस्तो बताएका हुन् । भवनको उद्घाटन गर्दै प्रधानमन्त्रीले आफ्नो कार्यकालको हालसम्मको उपलब्धिबारे ब्रिफिङ समेत गरेका थिए ।

समानान्तर सत्ता सञ्चालन गर्न खोज्नेहरुलाई परास्त गर्न पनि आफूले विघटनको कदम चालेको उनको जिकिर थियो । उनले भनेका थिए, “जनताले दिएको विश्वास कार्यान्वयन गर्न दिइएन, जिम्मेवारी पूरा गर्न दिइएन, त्यसकारण जुन कुरा मैले जनताबीच कबुल गरेको थिएँ, त्यसका लागि जनताको बीचमा जान चाहेको हो।”

यस्तै उनले आफ्नो कार्यकालको सुरुदेखि नै पार्टीभित्रैबाट काम गर्न वाधा उत्पन्न भएको बताएका थिए । जसले गर्दा गठबन्धन सरकारको जस्तो नियती भोग्नुपरेको उनको भनाइ थियो ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome