सोमबार, ७ असार २०७८
सोमबार, ७ असार २०७८

IT Training Nepal

सार्वजनिक मञ्चमा उपराष्ट्रपतिले दिएको अभिव्यक्ति विवादास्पद

६ फाल्गुन, २०७७ १८:५४ मा प्रकाशित

436 पटक पढिएको

nanda bahadur pun

काठमाडौं – प्रधानमन्त्रीको सिफारिसमा राष्ट्रपतिबाट भएको निर्णयविरुद्ध सार्वजनिक मञ्चमा उपराष्ट्रपति नन्दबहादुर पुनले दिएको अभिव्यक्तिलाई संविधान र कानुनका जानकारले ‘विवादास्पद’ भनेका छन्।

उपराष्ट्रपति पुनले बुधबार काठमाडौंमा नेपाल पत्रकार महासंघको २६औं महाधिवेशन उद्घाटनका क्रममा प्रधानमन्त्री ओलीले संविधानमा हुँदै नभएको अधिकार प्रयोग गरी प्रतिनिधिसभा विघटन गरेर मुलुकलाई दुर्घटनातिर धकेल्न खोजेको दाबी गरेका हुन्। ‘देश यति बेला राजनीतिक संकटको भुमरीमा छ। प्रतिनिधिसभा विघटन गरिएको छ र यसविरुद्ध प्रदर्शन भइरहेको छ’, उपराष्ट्रपति पुनले भने, ‘पूर्वप्रधानन्यायाधीश, पूर्वन्यायाधीश, संविधानविद्, नागरिक, पत्रकार र सबै राजनीतिक दलले प्रतिनिधिसभा विघटन असंवैधानिक भनिरहेका छन्। यो राम्रो संकेत होइन।’

उपराष्ट्रपतिले नेपालको हरेक राजनीतिक परिवर्तनमा पत्रकारको भूमिका महत्वपूर्ण रहेको उल्लेख गरे। उनले श्रमजीवी पत्रकारको न्यूनतम पारिश्रमिक लागू गर्न, साना लगानीका सञ्चारमाध्यमको उठानका लागि सरकारको ध्यानाकर्षणसमेत गराएका थिए।

महासंघको विधानमा भएको व्यवस्थाअनुसार महाधिवेशन उद्घाटन समारोह सकिएको एक महिनाभित्र नयाँ कार्यसमितिका लागि निर्वाचन हुनेछ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome