मंगलवार, ७ बैशाख २०७८
मंगलवार, ७ बैशाख २०७८

IT Training Nepal

गोंगबु हत्याकाण्ड : अभियुक्त मुडभरीलाई आजीवन जेल

२० फाल्गुन, २०७७ १६:४६ मा प्रकाशित

766 पटक पढिएको

kalpana mudvari, gongabu murder case

काठमाडौं – गोंगबुमा एक पुरुषलाई आफ्नो कोठामा डाकेर क्रूरतापूर्वक हत्या गरेको अभियोगमा मुद्दा चलाइएकी चितवनकी कल्पना मुडभरी पौडेललाई आजीवन कारावासको फैसला भएको छ ।

काठमाडौं जिल्ला अदालतका न्यायाधीश राजेन्द्र अधिकारीको इजलासले बुधबार उक्त ठहर गरेको हो । टोखा नगरपालिका–१० गोंगबु स्वर्गद्वारी टोलमा साउन २५ गते दाङका कृष्णबहादुर बोहराको हत्या अभियोगमा ३७ वर्षीया मुडभरी र उनकी छोरीविरुद्ध कर्तव्य ज्यान मुद्दा दायर भएको थियो । अदालतले मुडभरीकी नाबालिका छोरीलाई भने निर्दोष ठहर गरेको छ ।

जिल्ला सरकारी वकिलको कार्यालयले प्रहरी अनुसन्धानअनुरूप मुलुकी अपराध संहिता २०७४ को दफा १७७ (२) बमोजिम जघन्य अपराध रहेको दाबीसहित मुडभरीलाई आजीवन कारावासको मागसहित मुद्दा दायर भएको थियो । उनकी छोरीलाई भने हत्या प्रकरणमा मतियारको आरोप थियो । मुडभरीलाई अदालतले यसअघि पुर्पक्षका लागि थुनामा राख्न आदेश दिएको थियो ।

उनीविरुद्ध बोहरालाई पाहुनाका रूपमा कोठामा डाकी दहीमा विषादी मिसाएर खुवाएको, बेहोस भएपछि गुप्तांगमा ह्याम्मर प्रहार गरेको, शरीरका अंग खुकुरीले काटेको तथा लगेजमा पोको पारेर सडकमा फालेर फरार भएको प्रहरीको दाबी थियो ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome