शनिबार, ९ श्रावण २०७८
शनिबार, ९ श्रावण २०७८

IT Training Nepal

एकै परिवारका पाँच सदस्यमा कोरोना संक्रमण देखिएपछि काठमाडौंको महाबौद्ध क्षेत्र सिल

१२ श्रावण, २०७७ १६:५० मा प्रकाशित

759 पटक पढिएको

kathmandu mahabouddha sealed

काठमाडौं – एकै परिवारका पाँच सदस्यमा कोरोना भाइरस संक्रमण देखिएपछि महाबौद्ध क्षेत्र ‘सिल’ गरिएको छ। महाबौद्धका एक व्यवसायीको परिवारका पाँच सदस्यमा कोरोना भाइरस पोजिटिभ देखिएपछि सोमबार त्यो क्षेत्र सिल गरिएको हो।

पर्सा घर भई महाबौद्धमा बस्ने व्यापारीको परिवारका सदस्यमा कोरोना संक्रमण देखिएको हो। सीतामडीमा विवाह गरेकी युवती लकडाउन खुलेपछि वीरगन्ज हुँदै काठमाडौं आएको जनाइएको छ। पर्सा घर भई महाबौद्धमा बस्ने ती व्यवसायीको विस्तृत परिचय भने खुलाइएको छैन।

स्वास्थ्य क्षेत्रका अधिकारीले भारतको सीतामडीबाट माइत आएकी युवतीबाट अन्यमा कोरोना सरेको हुनसक्ने आशंका गरेका छन्। उनको घरपरिवारका सबै सदस्यको पीसीआर परीक्षण गरिएको थियो। उनीहरू शुक्रराज ट्रपिकल तथा सरुवा रोग अस्पताल टेकुमा उपचाररत छन्। स्वास्थ्य तथा जनसंख्या मन्त्रालयले भने यसको पुष्टि गरेको छैन।

शुक्रराज अस्पतालका निर्देशक डा. सागरकुमार राजभण्डारीले एकै परिवारका पाँच सदस्यलाई कोरोना संक्रमण भएको पुष्टि गरे। माइत आएका बेला परिवारका अन्यमा संक्रमण भएको हुन सक्ने डा. राजभण्डारीले बताए। नाति, नातिनीसहित हजुरबुवा, हजुरआमा, आमालाई पनि संक्रमण पुष्टि भएपछि शुक्रबार र आइतबार अस्पताल भर्ना गरिएको थियो। उनीहरूको स्वास्थ्य अवस्था सामान्य छ।

काठमाडौंमा परिवारका सबै सदस्यमा कोरोना संक्रमण पुष्टि भएको यो पहिलो घटना हो। नेपालमा संक्रमितको संख्या १८ हजार ६ सय १३ पुगेको छ। यीमध्ये १३ हजार १ सय २८ जना निको भएका छन्। कोरोनाबाट ४५ जनाको ज्यान गएको मन्त्रालयले जनाएको छ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome