सोमबार, १३ मंसिर २०७८
सोमबार, १३ मंसिर २०७८

IT Training Nepal

राष्ट्रिय जनमोर्चाका सांसद थापा फेरि पदमुक्त

२८ जेष्ठ, २०७८ १७:२७ मा प्रकाशित

736 पटक पढिएको

lawmaker krishna thapa

गण्डकी – राष्ट्रिय जनमोर्चाका गण्डकी प्रदेशसभा सदस्य कृष्ण थापालाई सो पार्टीले पुनः हटाएको छ । गण्डकी प्रदेशसभाको शुक्रबारको बैठकमा सभामुख नेत्रनाथ अधिकारीले उनी पदमुक्त भएको सूचना पढेर सुनाएका थिए।

सभामुख नेत्रनाथले राष्ट्रिय जनमोर्चाका तर्फबाट बाग्लुङ जिल्ला निर्वाचन क्षेत्र नं १ (ख) बाट प्रत्यक्ष निर्वाचित कृष्ण थापालाई नेपालको संविधान २०७२, राजनीतिक दल सम्बन्धी ऐन २०७३, प्रदेशसभा नियमावली २०७४ बमोजिम प्रदेशसभा सदस्य पदबाट हटाइ उनको पद रिक्त गरिदिने व्यहोराको सूचना प्राप्त भएको बताउँदै राजनीतिक दल सम्बन्धी ऐन २०७३ को परिच्छेद ६ दफा ३५ को उपदफा १ बमोजिम प्रदेश सभामा जानकारी गराएका थिए।

यसअघि पहिलो पटक पार्टीको निर्णय विपरित कार्य गरेको भन्दै प्रदेशसभा सदस्यबाट बर्खास्त भएका थापालाई सर्वाेच्च अदालतले पुर्नवहाली गर्न अन्तरिम आदेश दिएको थियो । उनको मुद्दा अदालतमा विचाराधिन छ ।

बिहीबार मुख्यमन्त्री पृथ्वीसुव्वा गुरुङले विश्वासको मत लिने क्रममा पार्टीका तर्फबाट विश्वासको मतका विपक्षमा मतदान गर्ने निर्णय गरेकोमा थापा भने तटस्थ बसेका थिए। शुक्रबारको बैठकमा नेकपा एमालेले गण्डकी प्रदेश सभाको वैठक सञ्चालन सम्बन्धी नियमावली अनुसार मन्त्रीको उपस्थिति विना बैठक बस्न नसक्ने भएको भन्दै अवरोध गरेको छ ।

बिहीबार विश्वासको मतको निर्णय आइसकेपछि आजको प्रदेश सभाको बैठक आफूहरूसँग सल्लाह नगरी बोलाइएको सो पार्टीले जनाएको छ । अर्को बैठक जेठ ३० गते आइतबार १.०० बजे बस्ने सभामुख नेत्रनाथ अधिकारीले जानकारी दिए।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome