बुधबार, २१ श्रावण २०७७
बुधबार, २१ श्रावण २०७७

IT Training Nepal

अफगानिस्तानमा कार बम विष्फोट हुँदा कम्तीमा १७ को मृत्यु

१७ श्रावण, २०७७ ०८:४० मा प्रकाशित

494 Views पटक पढिएको

car bomb blast afganistan

काठमाडौं – अफगानिस्तानको लोगार प्रान्तमा एक सरकारी कार्यालयनजिकै बिहीबार शक्तिशाली कार बम विष्फोट भएको छ । तालिबानले मुसलमानको चाड इदको अवसरमा घोषणा गरेको युद्धविरामको पूर्वसन्ध्यामा यो विष्फोट गराइएको हो । यद्यपि तालिबानले भने यो घटनाको जिम्मेवारी लिएको छैन । यस विषयमा इस्लामिक संगठन (आईएस)ले भने अहिलेसम्म कुनै प्रतिक्रिया दिएको छैन ।

यो विष्फोट आत्मघाती हुन सक्ने लोगारको गभर्नरका प्रवक्ताले बताएका छन् । यो विष्फोट गराइएको स्थानमा धेरै मानिसहरु इदको लागि आवश्यक सामग्रीहरु खरिद गरिरहेका थिए । अफगानिस्तानको आन्तरिक मामिला मन्त्रालयले आतंकवादीहरुले इदको अघिल्लो रातमा आक्रमण गरेको र यो आक्रमणमा धेरै मानिसहरुको मृत्यु भएको बताएको छ । तालिबानका प्रवक्ताले भने यो घटनासँग तालिबानको केही पनि लिनुदिनु नरहेको बताएका छन् ।

तालिबान र अफगानिस्तान सरकारको बीचमा शुक्रबारदेखि शुरु हुने गरी तीन दिने युद्धविरामको सम्झौता भएको थियो । अफगानिस्तान र तालिबानको बीचमा स्थायी युद्धविरामको सम्भावना पनि कायमै छ तर अहिले कैन्दी रिहा गर्ने विषयमा कुरा नमिल्दा यो प्रक्रियामा ढिलाइ भएको छ ।


यो समाचार पढेर तपाईंलाई कस्तो लाग्यो ? प्रतिकृया दिनुहोस् ।

शेयर गर्नुहोस् ।

Divya Gyan College Eprabidhi Solutions webtrickshome